മരണാനന്തരം(കഥ)

ആകാശത്തിൽ മിന്നൽപ്പിണരുകൾക്ക്  നടുക്ക് കണ്ട തുറന്ന ഭാഗം. ആത്മാവ് അവിടം കടന്നു അകത്തേക്ക് നീങ്ങി. ഇന്നോളം ജീവിച്ച ഭൂമിയിൽ ജീവിക്കുന്നവരെ അത് തിരിഞ്ഞുനോക്കി. വ്യത്യസ്തമായ ശരീരത്തിൽ ജീവിക്കുന്ന അനേകം മനുഷ്യരും ജീവികളും സസ്യങ്ങളും നിറഞ്ഞ ഗോളം.
കഴിഞ്ഞ് പോയ ജീവിതത്തെ ഒറ്റ നോട്ടത്തിൽ ഓർത്ത് അത് അനന്തമായ നിലനിൽപ്പിൻ്റെ ഭാഗമായി. സ്വർഗത്തിൽ സകലചരാചരങ്ങളും ഒറ്റ രൂപത്തിൽ ഒരു വലിയ പ്രഭാവലയം തീർത്തിരിക്കുന്നു.പടർന്നു കിടക്കുന്ന വലകൾ പോലെ. സ്വയം നോക്കിയപ്പോൾ കണ്ടത് അതിൽ ഒരു ഭാഗമെന്നപോലെ സവിശേഷതകൾ ഉള്ള ചെറിയ ശാഖകൾ ഉള്ള തൻ്റെ ആത്മാവിനെ. ഞൊടിയിടയിൽ പ്രഭാവലയം മിന്നുവാൻ തുടങ്ങി. സ്വർഗം പൂണ്ട ആത്മാവ് ആ വലയത്തിലേക്ക് ചേർന്നു. പെട്ടെന്ന് അത് ചുരുങ്ങി,ചുരുങ്ങി ഭൂമിയിലെ ഒരു കോണിൽ ഒരു അഗ്നിപർവതത്തിന് ഒത്ത നടുവിൽ ഒരു തീപ്പൊരിയായിമാറി. ആയിരം ഡിഗ്രീ സെൽഷ്യസിനും മുകളിൽ ചൂടുള്ള തീ കഷ്ണം ഒരു പൊട്ടിത്തെറിയോടെ ഭൂമിയുടെ ഉപരിതലത്തിലേക്ക് വന്നു. തീ ചാര നിറത്തിലുള്ള മണ്ണായി. കറുത്ത മണ്ണ് ഒരു  നൂറ്റാണ്ട് കഴിഞ്ഞ് പെയ്ത പെന്മാരിയിൽ നദിയിലൂടെ ഒഴുകി വന്നു ഒരു താഴ്‌വരയിൽ അടിഞ്ഞു. മണ്ണിൽ അവിടെ സൂക്ഷ്മജീവികൾ പെറ്റുപ്പെരുകി. അവിടെ പുൽനാമ്പുകൾ മുളച്ചു. അത് പുഷ്പിച്ച് ഫലമായി. ഫലങ്ങൾ ജീവികൾക്ക് ആഹാരമായി. ആത്മാവ് സഞ്ചരിച്ച എല്ലാത്തിലും എട്ടുകാലിവലകൾ പോലെ ചിലത്  ഉണ്ടായിരുന്നു.

Comments

Post a Comment

Popular posts from this blog

യൂത്ത് പാലം

ഡി, വല്ലാത്ത ഒരു ചെയ്ത് ആയി പോയി. ആടാ.  ബൈക്കിനു പിന്നിൽ ഇരുന്ന ആഗ്നസ് ജോഫിനെ ഒന്നു മുറുക്കെ കെട്ടി പിടിച്ചു മുഖം തോളോടെ ചേർത്തു പറഞ്ഞു. ഒരു വശത്ത്  വെള്ള വെട്ടം മിന്നി നിരന്നു നിക്കുന്ന തൂണുകൾ. പാലത്തിൽ പുതിയതായി സോളാർ ലൈറ്റുകൾ വന്നിരിക്കുന്നു. പാലത്തിന്റെ കൈ വിരികളിൽ കെട്ടിപ്പുണർന്നു നിന്ന ജോഡികളുടെ എണ്ണം കുറഞ്ഞിരിക്കുന്നു .  ആരുടെ ചൊറിച്ചിലാണോ പൊന്നേ ഇത്? നാട്ടുകാർക്ക് സുഗിക്കണുണ്ടാകില്ല .  പാലത്തിന് അടിയിലെ  ഇടവഴിയിൽ അപ്പോഴും കത്തി തീരാത്ത ഒരു കഞ്ചാവ് ബീഡി തേറുപ്പിന്റെ അറ്റത്തിന്റെ നേരിയ ചുവപ്പ് വെട്ടത്തിൽ കണ്ണു കാണാതെ  ഒഴിഞ്ഞ ബ്രാണ്ടി കുപ്പികൾ കിടക്കുന്നുണ്ടായിരുന്നു.  ഓഫീസ് വിട്ട് ചായ കുടിച്ച് വെറുതെ കണ്ട ഇടവഴി കയറി  പോയപ്പോ ആണ് ആ യുറേക്ക മൊമന്റ് സംഭവിച്ചത്. ബൈക്കിന്റെ ഡിം ലൈറ്റ് വെട്ടത്തിൽ കെട്ടിപ്പുണർന്നു നിന്നും സംസാരിക്കുന്ന കുറെ പ്രേമികളെ അവർ കണ്ടു. കൈ വരി ചാരി നിക്കുന്ന കുറച്ച് പേർ, കുറച്ച് പേർ നടപ്പാതയിൽ ഇരിക്കുന്നു, കുറച്ച് പേർ ബൈക്ക് ഒതുക്കി അതിൽ ഇരിക്കുന്നു.  അടുത്ത ദിവസം പാലം തുടങ്ങുന്ന ഭാഗത്തെ പറമ്പിനു അതിരിൽ ഉള്ള ഇരുമ്പ് വ...
Read more

മെട്രോ പൂച്ച

ഇടയ്ക്ക് ബോധം പോകുന്നുണ്ട്.  എന്തോ ഒക്കെ കാണുന്നു. വണ്ടി ഇടിച്ചു മരിച്ചു പോയ അമ്മയുടെ തലയിൽ നിന്നും തെറിച്ചു കിടന്ന ചോരപ്പാട് കണ്ടു.  മെട്രോയുടെ മുകളിലെ തൂണിൽ അകപ്പെട്ടിട്ട് എത്ര ദിവസം ആയി എന്നു ഓർമ്മ കിട്ടുന്നില്ല. മെട്രോയുടെ എൻട്രൻസ് ഭാഗത്ത് തണുത്ത തറയിൽ  കിടന്നു ഉറങ്ങാൻ നല്ല സുഖം ആണ്.  ഉണർന്നപ്പോ ആളുകളുടെ പിന്നാലെ അകത്തേക്ക് കയറി. ഇത് വരെ കാണാത്ത കാഴ്ചകൾ കാണാൻ തോന്നി, ആളുകളൊക്കെ എങ്ങോട്ട് പോകുന്നു എന്നറിയാനും.  വീസിലും അടിച്ച് ഒരാൾ അടുത്തേക്ക് വരുന്നത് കണ്ടപ്പോ ട്രെയിൻ വരുന്ന വഴിയിലേക്ക് എടുത്തു ചാടി അയാളുടെ കൺവെട്ടത്തിൽ നിന്നും ഓടി മറഞ്ഞു. പിന്നെ അവിടെ നിന്നും കയറാൻ പറ്റിയില്ല. രക്ഷപ്പെടാൻ വല്ല വഴിയുണ്ടോ എന്നു നോക്കി കുറച്ച് ദൂരം വീണ്ടും മുന്നോട്ട് നടന്നു. ഒരേ പോലെ ഇരിക്കുന്ന നീണ്ട വഴി. പെട്ടെന്ന് ഒരു ട്രെയിൻ വരുന്നത് കണ്ടു. അത് എന്നെ വന്നിടിക്കും എന്നു തോന്നി.  ട്രെയിൻ അടുത്ത് വന്ന സമയം കുതറി മറിയപ്പോ കാല് വാഴുതി ഒരു വിടവിലേക്ക് വീണു. ആ വിടവിൽ കുടുങ്ങി പോയി. ശ്വാസം എടുക്കാൻ ബുദ്ധിമുട്ട് പോലെ. ട്രെയിൻ കടന്നു പോയി. എങ്കിലും മുകളിലേക്ക് കയറാൻ പറ്റുന്നില്ല...
Read more

ഉൽക്ക

ഷോട്ട് ഫിലിമിന്റെ മൂന്നാം ദിവസം വന്നുക്കൂടിയ അമലും, ജെറിയും. ജെറി ഷൂട്ടിംഗ് കാണുവാൻ എന്ന പേരിലും, അമൽ ഭാര്യ ബിബിത അഭിനയിക്കുന്നുണ്ട് എന്ന പേരിലുമാണ് വരവ്. ചുരുക്കം പറഞ്ഞാൽ കുമ്മന്നമടി. ഇരുവരും ആർട്ട് ടീമിനൊപ്പം ഡയറക്ടറുടെ ബന്ധുവിന്റെ വീട്ടിൽ അഭയം പ്രാപിച്ചു. ആർട്ട് ടീം അശോക്, പ്രേമേട്ടൻ, സാനു എന്നിവരെ കൂടാതെ ക്യാമറമാൻ ഹീൻസ്സ്, അവന്റെ അസിസ്റ്റന്റ് അപ്പു എന്നിവരാണ് അവിടെ പാർക്കുന്നത്. അപ്പു ഒഴികെ എല്ലാവരും പരസ്പ്പരം അറിയുന്ന കൂട്ടുകാർ തന്നെ. പ്രേമനെ ജെറി ആദ്യമായിട്ടാണ് കാണുന്നത്.  ഈ  സംഘ൦ പുഴയോരത്തെ ആ കാട് പിടിച്ച പറമ്പിൽ ഭ്രമയുഗത്തിലെപ്പോലെ ആ മോഡേൺ മനയിൽ അഭയം പ്രാപിച്ചു. മോഡേൺ മനയുടെ അകത്ത് നല്ല ചൂട് ആയതിനാൽ (കിടന്ന നേരത്ത് സാനു ഒഴികെ എല്ലാവരും മിനിമം മൂന്നുവട്ടം എഴുന്നേറ്റ് ആ രാത്രി ചൂടിനോട് കിന്നാരം പറഞ്ഞു). പ്രേമൻ ആ മനയുടെ മോഡേൺ തിണ്ണയിൽ പായ വിരിച്ചു. വട്ടപ്പായസമ്മേളനം ആരംഭിച്ചു. ക്യാമറ മേനോനും, അസിസറ്റന്റും അങ്ങ് ഡയറക്ട് ഡിപ്പാർട്ട്മെൻ്റ് സങ്കേതത്തിലെ വട്ടമേശ സമ്മേളനത്തിന് ശേഷം വൈകിയാണ് വന്നത്. അതിനാൽ മേനോൻ അലക്ക് തുടങ്ങിയിട്ടേയുള്ളൂ. അസിസ്റ്റന്റ് കുളിച്ച് കുട്ടപ്പൻ ആയി ആഹാ...
Read more