വർത്തമാനം

നെറ്റ്ഫ്ലിക്സ് ഡോകുമെന്ററി 'സോഷ്യൽ ഡിലെമ' കാണാനിടയായി. സോഷ്യൽ മീഡിയയുടെ ചില  പിന്നാമ്പുറം കാര്യങ്ങൾ ആണ് അതിൽ ഉള്ളത്.സോഷ്യൽ മീഡിയ ഉപയോഗിക്കുന്ന ആരും വിചാരിക്കാത്ത കാര്യങ്ങൾ. ഫേസ്ബുക്ക്, ട്വിറ്റെർ,ജിമെയിൽ,യൂട്യൂബ് തുടങ്ങിയ സ്ഥാപനങ്ങളിൽ ജോലി ചെയ്തിരുന്നവരും തുടക്കക്കാരും ഒക്കെ അതിനെപ്പറ്റി സംസാരിക്കുന്നു.            സത്യത്തിൽ സോഷ്യൽ മീഡിയ ഒരു ഫ്രീ സേവനമാണ് എന്നാണ് എല്ലാവരും മനസിലാക്കിയിരിക്കുന്നത്. ഇങ്ങനെ സേവിച്ചിട്ടു സുക്കറണ്ണനും ബാക്കി ഉള്ളവർക്കൊക്കെ എന്തു ഗുണം എന്നത് ഒരു ചോദ്യം തന്നെയാണ്. യഥാർത്ഥത്തിൽ അതിന്റെ ഉത്തരം അറിയണമെങ്കിൽ മറ്റു ചില വിവരങ്ങൾ ശ്രദ്ധിച്ചാൽ മതി. അതെ ഈ സാമൂഹിക മാധ്യമങ്ങൾ ഓരോ നിമിക്ഷവും നമ്മളെ നിരീക്ഷിക്കുകയാണ്. നമ്മുടെ ഓരോ ക്ലിക്കും, ബ്രൗസ് ചെയ്യുന്ന ഓരോ ഡേറ്റയും റീഡ് ആകുന്നു. നാം സെർച്ച് ചെയ്യുന്ന കാര്യങ്ങൾ, നമ്മൾ പോകുന്ന സ്ഥലങ്ങൾ, നാം കാണുന്ന ഓരോ യൂട്യൂബ് വീഡിയോയും എന്നതൊക്കെ ഈ വലിയ ശൃംഖലയുടെ കൈകളിൽ ഭദ്രമായിട്ടുണ്ട്. ഈ വിവരങ്ങൾ തന്നെ ആണ് ആ സേവനക്കാരുടെ ലക്ഷ്യം. കോടി മനുഷ്യരുടെ വിവരങ്ങൾ. ഈ വിവരങ്ങൾ വെച്ചു ഓരോ ആളുകൾക്കും ഓരോ മാതൃക ഉണ...

 ഉച്ചക്കത്തെ ഉണ് കഴിഞ്ഞു മിനിമോളെ നീട്ടിവിളിച്ചു എൽദോച്ചൻ.നെഞ്ചത്ത് കേറി കിടക്കണം അപ്പ എന്ന് പറഞ്ഞു ഓർഡർ ഇട്ടേക്കുവാ അവൾ.എന്ന പിന്നെ കൊച്ചിനെ ഒന്ന് കൊഞ്ചിച്ചേക്കാം എന്ന് വച്ചു.ഒന്ന് വിളിച്ചു,പിന്നേം പിന്നേം വിളിച്ചു.ഒന്നിലും പിഴച്ചു,മൂന്നിലും പിഴച്ചു.കൊച്ചിനെ കാണാനില്ല.കെട്ടിയോള് സാറാമ്മ നെഞ്ചത്തടിച്ചു കരയാനും തുടങ്ങി.വീടിന്റെ വെളിമ്പ്രദേശത്തും ഉള്ളിലും ഒക്കെ പരുതിയിട്ടും കൊച്ചിന്റെ പൊടിയും ഇല്ല പുകയും ഇല്ല.അയൽ വീട്ടിലേക്ക് ഓടി അച്ചുപെണ്ണിനോട് ചോദിച്ചു.അച്ചു പെണ്ണ് അച്ചോ എന്ന് വച്ചതേ ഉള്ളു.മണ്ണപ്പം ചുട്ടു സന്തോഷമായി പിരിഞ്ഞതാ.അമ്മ കൊടുത്ത മാങ്ങാ പൂളും കഴിച്ചുകൊണ്ടു സ്ഥലം വിട്ടതാ.നാരായണി പോലീസിനെ ഒന്നറിയിച്ചാലോ എന്ന നിർദേശം വച്ചു.മിനിമോൾ ഇവിടെ എവിടേലും കാണും,ഒന്ന് നോക്കാൻ വാ നാരായണി എന്നായി സാറാമ്മ .അച്ചുമോൾ ഞാനും വരാം എന്ന് പറഞ്ഞു.എന്നിട്ടു വേണം ഇനി നിന്നെ അനോഷിക്കാൻ വേറെ ആളെ വിടാൻ എന്ന് പറഞ്ഞു നാരായണി വിലക്കി.നാരായണി തഞ്ചത്തിൽ സാറാമ്മ കാണാതെ പുരക്ക് അടുത്തുള്ള കിണറ്റിൽ ഒന്ന് എത്തി നോക്കി.ആശ്വാസം.കുറെ പറത്തവളകൾ പൊങ്ങികിടക്കുനതെ ഉള്ളു.ഇതൊന്നും അറിയാതെ നാരായണിയുടെ കെട്ടിയോൻ കുഞ്ഞൻ കേ...

ഈ പെരുമഴയത്ത് ശ്വാനൻ ഡിങ്കൻ വീണ്ടും കൂടു ചാടി.കമ്പി വലയിലെ തുരുമ്പിച്ച ഭാഗത്ത് ഉണ്ടാക്കിയ പൊത്ത് വഴി.മേലാസകലം മുറിവുകൾ ആണ്.പിന്നെ അവന്റെ കഴുത്തിൽ തൊടൽ ഇട്ടു കൂട്ടിൽ കെട്ടി.അതി വിദഗ്ദ്ധമായി അവൻ കഴുത്തുരി എടുത്തു,തന്റെ കുഴൽ കഴുത്തുകൾ .കുടുക്കുകൾ ഊരുന്നതിൽ മിടുക്കൻ ആണ്.ഇവനെ വച്ചു ഒരു മാജിക് ഷോ തന്നെ നടത്താം. കോവിഡ് അല്ലേ ഓൺലൈനായി തന്നെ ആയിക്കോട്ടെ.എനിക്കണേൽ പണി ഇല്ലാണ്ട് വരുമാനം മുട്ടി നിൽക്കുകയാണ്.ഒരു പ്രകടനത്തിനു തലക്കൊന്നു തൊള്ളായിരത്തിതൊണ്ണൂറ്റിയൊമ്പത് രൂപ.കൂട്ടിൽ പൂട്ടി ഇടും.കുറച്ചു കഴിഞ്ഞു നോക്കുമ്പോൾ തിണ്ണയിൽ ചവിട്ടിയിൽ ചുരുണ്ടു കിടക്കണുണ്ടാവും.ഒന്നും സംഭവിക്കാത്ത മട്ടിൽ.അമ്മ വന്നു പുലഭ്യം പറഞ്ഞു അവനെ ഓടിക്കും.അടി കിട്ടാണ്ട് ഒന്നു പുറത്തേക്കു കുതിക്കും.അമ്മ വീട്ടിൽ ഉളളിൽ കയറുമ്പോൾ അവൻ വീണ്ടും അവനു സ്ത്രീധനം കിട്ടിയ ചവിട്ടിയിൽ കയറി കിടക്കും.പിന്നെ പോട്ടെ എന്നു വച്ചു ഞാൻ തിണ്ണയിൽ അവനു കുറച്ചു നേരം കമ്പനി കൊടുക്കും.ഒരു കട്ടൻ  കുടിച്ചു അവനോട് സൊറ പറയും.മഴ ആസ്വദിക്കും.

വെറുതെ ഒരു ആശയം തോന്നി.ബ്ലോഗ് എഴുതാൻ പോവാം.അവിടെ പോയി കുറെ കുഞ്ഞുവാർത്തമാനം പറയാം'.പ്രോപ്പറേറ്റർ കം ഞാൻ ഉദ്‌ഘാടനം നടത്തുന്ന ലഘു ലേഖ ആണ് ഇത്.കുഞ്ഞുവാർത്തമാനം എന്നു കണ്ടു വരുന്നവർ അത് ബലിയ ബർത്തമാനം ആയാൽ നിരുപരാധികം മാപ്പാക്കുക.